(9)
اثناء جلوس “لوهان” خارج خيمه “ريم” سمع فجاءة صرخه ,, بحركة لا ارادية اتجه لخيمه “ريم” كانت “مريم” حضناها وبتحاول تهديها ولاحظ “ريم” وملامح خوف مسيطره عليها وكلامهم العربي هو مش فاهم ,, شافته “مريم” وطلبت منه يخرج من الخيمة ..استمر طول الليل صرخات “ريم” من الكوابيس و”لوهان” واقف خارج الخيمه هو والدكتور لتاني يوم الصبح ,, تاني يوم الصبح كانت “ريم” نايمة ,, بعد الضهر فتحت عينيها “ريم” وكانت لوحدها فى الخيمة حست بدوخه بسيطه وصداع ولحظت المحلول المعلق ولحظت الجروح اللى فى رجلها وراسها ,, دخلت “مريم” ومعاها طبق شوربه وعصير ليها وب ابتسامه :
_ اخيرا صحيتي
_ باين انا نمت كتير
_ بالعكس نمتي قليل جداا ,,المهم طمنيني حاسه ب ايه ؟
_ احسن .. بس صداع ودوخه وايه المحاليل دى
_ اكيد من الجرعه الذياده اللى اخدتيها اشربي العصير والشوربه وهتبقي احسن
_هو ايه اللى حصل امبارح ؟
_معقوله مش فاكره .. مش مهم اللى حصل اللى عاوزه اعرفه انتى روحت تجيبي الخشب ليه واتاخرتي ليه كده ..؟
|_ ليندا كانت تعبانه وقولت هروح بسرعه وارجعوانا هناك شوفت فراشه حاولت المسها اتكعبلت وقعت اول ما فتحت عيني كان المكان كله ضلمه ومعرفتش ارجع مش عارفه ايه اللى حصل بعد كده ..
_ حصل خير ..المهم ارتاحي انتي دلواقتي ولو فى حاجه تعباكي عرفيني ..
_ وهى الشنط مقفوله ليه كده ..؟
_ كلنا قررنا نرجع انهارده علشان ترتاحي فى البيت وكده
_ لالالالا احنا لسه قدامنا 4 ايام ,,انا كويسه وهخرج اطمنهم حالا ..
_ ارتاحي بس دلواقتي
قامت “ريم” وخرجت للمجموعه واعتذرت انها سببت ليهم اى قلق وطلبت منهم يكملوا اجازتهم ورجعت ع خيمتها وعرفت من “مريم” ان “لوهان” كان قلقان طول الليل سهران هو والدكتور وادمز وهو اللى لقاها فى الغابه …!
خرجت “ريم” من الخيمة وابتد الجميع يطمن عليها وتماسكت امامهم و”لوهان” ابتسم لما شافها ب تضحك وظاهريا اتحسنت ..دورت “ريم” ع “لوهان” وكان جالس ع الارض لوحده واتجهت له :
_ ممكن اقعد ..
_ اتفضلي ..قعدت : شكرا ع اللى عملته امبارح معايا ,,مريم قالتلي
ابتسم “لوهان”: مفيش مشاكل ..المهم انك بخير دلواقتي ..
_تمام ..
_ اوكيه ..
سكت “لوهان” وسكتت “ريم” واستأذنت وقامت ,, “لوهان” كان عاوز يتكلم ورفض ,, وقفت “ريم” للحظه وشعرت انها بحاجه تعتذر ل “لوهان” ع تعاملها السابق ورجعت خطوتين :
_ لوهان
_ ايوه ..
_ انا اسفه ..
_ ليه ..؟
_ اسفه ع اللى عملته قبل كده وطريقتي وعصبيتي مكنتش اقصد
لوهان انتهز الفرصه : انتي بتتكلمي بجد ..؟
_ ايوه ..انا اسفه عارفه انها متاخره و..
ابتسم”لوهان”: لا مفيش حاجه اعتبري محصلش حاجه
ابتسمت “ريم”: اوكيه .. شكرا
لفت “ريم” ومتجهه ل البنات : ممكن نبدء من جديد ؟
_ يعني ايه ؟
قرب منها خطوتين : يعني دا لو مش هيضايقك هعتبر طلبي لسه متردش عليه ,, صداقتنا
_ انا ..
_ ممكن سؤال ؟
_ اتفضل ..؟
_ ايه الداعي للخوف من عرض صداقة ويعصبك وينرفزك بالطريقه اللى شوفتها
_ الفكره انا حسيت انا تحت ضغط وتوتر وبالحاح بتطلب صداقتي ,,انا معرفكش ولا انت تعرفني يعني ,,وانا شخصيتي مبتعودش ع الاشخاص بسرعه ,,لكن صداقه فجاءه لا ,,لان الصداقه بتتكون من مواقف وعلاقه طويله واحنا اللى جمعنا السلسله ومش مبرر علشان اوافق ع صداقتك ..
_ انتي قولتي الصداقة مواقف صح ..؟
_ ايوه ..
_ انا صدر مني حاجه وحشه ..أذبتك يعني ؟
_ لا
_ الصداقة يا “ريم” هى لما تلاقي شخص فى ازمه او مشكله وتساعده فيها ..لما يحتاجلك يلاقيك ..ودا اللى بيخليكي تختاري اصدقائك صح ..
_ ايوه
_ انا يمكن فكرت غير ما فكرتي ,, انا اول مره شوفتك كان فى لندن وبعد سنتين فى كوريا وصدفه وهنا فى الكامب صدفه فعلا ,,وقتها حسيت اننا ننفع نكون اصدقاء ,, وانتى بتقولى مواقف ,, مين اللى كان الحصان الاسود ليكي ولما تهتي رجعك ولما اعتذرتي قبلت الاعتذار ,,كل دا مستحقش محاوله منك تشوفي انفع اكون صديق ولا لا
_ ريم اتحرجت : انت كلامك صح لكن انا… .._ مفيش غير سبب واحد هو انك رافضانى انا شخصيا
_ انا معرفكش علشان اوافق او ارفض صداقتك
_ يبقي كده اتحلت اعرفك بيا واعرفك ووقتها نقرر هننفع نكون اصدقاء ولا لا ولو مرتحناش عادي نعتبر ولا شئ حصل ,,ايه رايك ..؟
_ ها
لوهان مد ايد : لوهان ويسعدنى نكون اصدقاء
مدت ايديها : هاي
لوهان بحماس : كعربون صداقه هنروح مكان بكره الصبح لوعاجبك اعتبر دا موافقه منك لو معجبكيش اوكيه مش هحاول تانى واعتبره رفض نهائى
ريم اتخضت: مكان ..مكان ايه.؟؟!
لوهان افتكر لما كانت ف لندن وحوارها مع ساندى انها بتحب الاماكن المرتفعه ال تحسسها انها قريبه من السما بتحس براحه ومتعه..: …_ ايه رائيك ف مكان تحسى انك قريبه من السما..؟
ريم اتحمست تلقائى: فين..؟
لوهان شاور ليها ع جبل عالى : هنروح هناك
ريم بعيد عن اى حاجه اتحمست جداااا واترسمت ع وشها ابتسامه وهى بتبص ع الجبل…: بجد ..هنطلع الجبل دا …؟
ولمعرفه “لوهان” لحاله “ريم” وخوفها من الضلمه وانه محبش يفكرها باللى حصل :
_ احنا هنتحرك مع اول ساعه لشروق الشمس ,,
_ والباقيين ..؟
_ رايحيين للصيد .. لو تحبي تروحي معاهم ..
_ يلا انا عاوزه اطلع الجبل
_ اوكيه لكن البسي ملابس تقيله لانه برد
_ تمام ..
كملوا اليوم عادي وتاني يوم مع اول شروق الشمس خرجت “ريم” من خيمتها كان “لوهان” فى انتظارها ..وابتدوا يتحركوا اتجاه الجبل ..::_ تحبى تمسكى ف ايدى اساعدك تتطلعى..؟
اتجنبت يلمس ايديها : لالالا شكرا انا هطلع لوحدى
احترم “لوهان” رغبتها وحاول يتجنب يلمسها احترامها ليها وحب يحسسها بحريتها وانها غير مقيدة ..كلوا الطريق ووصلوا لقمه الجبل :
_ وصلنا ..
ريم بسعاده: وصلنا اخيرااا
_ ايه رايك فى المكان ..؟
“ريم” بتقرب من حافه الجبل ووقفت واخدت نفس وبصت للسما : مدهش .. مكنتش اتخيل انا هكون فى مكان زى دا فى مره ..بجد ممتع حاسه انى بحلم ,, انت حققت امنيه فى خيالي شكرا
لوهان ابتسم: يو ويلكم
” استمر لوهان” يراقب “ريم” وسعادتها وابتسامتها وهو واقف لحظ “ريم” بتقرب من حافه وهتقع فشدها من دراعها : ريم ..
زقت ايده مخضوضه : ايه ..؟
_ انتي بتعملي ايه كنتي هتقعي ؟
_ انا .. سوري ..سوري .. بس بجد مفيش احلي من احساس انك قريب من السما
لاحظ “لوهان” توتر “ريم” من الموقف” ,, اتكلم فى حاجه تانيه يبعد التوتر عنها :
_ بتغمضي عينك ليه عن الجمال دا كله ..انا بحب اطلع مع اصحابي تخييم علشان الطبيعه دى
_ لما بغمض عيني بحس ان السما شدتني ليها بتندهلي احساس جميل
لوهان افتكر نفس الموقف ال كان ف لندن وغير الكلام : اها الطبيعه بتجذب اى انسان انا دايما بحب اجى التخييم واطلع الجبل هنا الاقى نفسى واصفى ذهنى من ضغوط ال حواليا وبرجع بنشاط وصافى الذهن لشحن الجديد..
مسك شنطته وطلع علبتين عصير فراوله : اتفضلي
_ فراوله
ابتسم “لوهان”: متقلقيش حلال
_ شكرا ..
قعدت ريم جنب لوهان ع الارض وبيستمتعوا بالهوا ويرتاحوا من الطريق: ..ريم بصتله : انت عندك اخوات..؟
_لا انا وحيد وانتى ..؟ _
_ رنا مقيمه هنا وقاعده عندها فتره اقامتى ورامى بس هو ف لندن
_ياترى هما زيك كده..؟
ريم بتضحك: لا احسن بكتيررررر صدقنى…
لوهان مبتسم وبصوت واطي : معتقدش
_ بتقول ايه..؟
_ لا مفيش
_ اممممم هو انت بتشتغل ايه ولا بتدرس ..؟
لوهان استغرب من سؤالها : انتى متعرفيش انا شغال ايه..؟
_ لا معرفش
_ هى مريم مقلتلكيش حاجه عنى ..؟
_ لا مسالتهاش ..وبعدين فى ايه هو انت شغال حاجه غلط ؟
لوهان بيضحك: لالالا .. موظف ..موظف فى شركه
_ طيب كويس ..
كنت عاوزه اقولك حاجه صوتك حلو جدااا ليه مشتغلتش مغنى ..انت وسيم وصوتك حلو وعندك قبول يعنى مؤهلات المغنى…
لوهان لاحظ ان ريم جاهله الجزء الفني فى كوريا :
_ ها ها ها لا دى هوايه انما شغلى الثابت موظف علاقات خارجيه بسافر كتيير تخليص ورق وعقود وكده
ريم:بالتوفيق …_ شكرا
ريم بصت قدامها وبتستمتع بالجو وع وشها ابتسامه ولوهان من غير ما يحس سرح ف ابتسامتها
ريم بصت ل لوهان وهو انتبهه لنفسه : كفايه كده يا دوب نلحق ننزل هناخد وقت ولا ايه..؟
_ اوكيه ..لكن قبل ما ننزل مش تقوليلى رائيك الاخير
ريم افتكرت: تقصد ايه؟؟
لوهان مد ايده وقرب صباعه الخنصر ..ريم: ايه دا
لوهان: انتى بتنسى بسرعه اوى …تعهد صداقه صباعك الخنصر مع صباعى ونتعاهد لبدايه الصداقه
ريم ابتسمت: شغل اطفال دا
لوهان بيضحك: وهو احنا كبرنا .. يلا ها قولتى ايه موافقه ولا
ريم وقفت تتردد للحظات وافتكرت كل مواقفه معاها وارتاحت نوعا ما وهيكون صديق زى اصدقائها فى لندن . مدت ريم صباعها الخنصر..
ريم ابتسامه: صداقه
_ بما اننا اتعاهدنا بوعد الخنصر ال مفهوش رجوع
_ ولا كدب ولا خيانه
لوهان سمع كدب: وعلشان نبدء صح كنت عاوز اصارحك بحاجه بس توعدينى مش هتغيرى رأيك ..اوكيه
_ فى حاجه ؟
_ اوعدينى
_ اوعدك
_ بصراحه الصدف ..كانت مترتبه ومش مترتبه
_ازاى..؟
_ انا قابلتك 3 مرات صدف فعلا لكن مش ال3 ال كنت متفق معاكى عليهم
_ مش فاهمه امتى قابلتك 3 مرات صدفه
_ انا فعلا قابلتك 3 مرات صدف اول مره فى جمعيه كن انسان فى لندن
_ انت بتروح الجمعيه ..؟
_انتى نسيتى انا كنت عايش هناك قبل ما ارجع كوريا من 6 سنين
وكنت بروح دايما هناك العب مع الاطفال واجبلهم هدايا ولما رجعت كوريا اى وقت اكون ف لندن بروح هناك شوفتك اول مره هناك ولاحظتك بس كنتى مبتتكلميش مع حد غير الاطفال …_ وتانى وتالت مره..؟
لاحظ “ريم” متوترش ومتقبله الكلام :
_فى حديقه هايدي بارك وقت ما وقعت السلسله ولما شوفتك فى الحديقه فى كوريا ورجعتلك السلسله,,وقتها حسيت ان القدر مرتبها نتقابل علشان نتعرف ع بعض علشان كده اصريت نكون اصدقاء .. …ريم ربعت ايديها : وال3 التانين ف الحديقه والمطعم .. كنت بتعرف ازاى..؟
لوهان بصوت واطى: مين ال كانت معاكى ف كل مره فيهم
سكتت ريم لحظات : مريم ..مريم ..مريم كانت بتقولك…_ لالالالا مش مريم صدقينى .. ادمز كان بيعرف من مريم وانا كنت بعرف منه بطريقه ما غير مباشره عن خط سيرك مع مريم …ريم سكتت .. لوهان بيهزر: انا كنت مستعد اخليها 10 صدف وانتى كنتى هتصدقى بس مكنتش ضامن هتكونى موجوده كل دا ولا لا
_ والتخييم صدفه مترتبه ولا..؟
_ الكامب صدفه خالصه واقسملك انى مكنتش اعرف اصلا مين جى لانى متعود كل مره اكون مع اشخاص جداد ومش بسئل مين ..…!!ريم سكتت لحظات وبصت الناحيه التانيه … لوهان بقلق: رجعتى ف وعدك ..ريم ..ريم
ريم بصتله وابتسمت: انا مصدقاك ..ولسه عند وعدى متغيرش
لوهان باابتسامه: اصدقاء
ريم باابتسامه: اصدقاء
لوهان ابتسم : اوكييييييه يلا بينا ننزل بقى ليدز فيرست
ريم: ثانكس
وهما نازلين قعدوا يتكلموا ع المناظر ال شايفنها وتبادلوا ارقام ومن حديثم طول الطريق محسوش بالوقت ,, ولظرف ما لشخص من الموجودين اضطروا يرجعوا وقضوا اليوم سهر وهزار وضحك وتاني يوم الصبح اتحركوا…!رجعت “ريم” البيت وكانت سعيدة بالرحلة ,, استقبلتها “رنا” ودخلت غرفتها وموابيلها رن وكان “لوهان”:
_ الو ..
_ لوهان معاكي ..
_ عارفه انا مسجله رقمك انت نسيت وظهرلي اسمك
ضحكك”لوهان”: بأكد عليكي بس ,,انا حبيت اطمن وصلتي البيت ولا لسه
_ ايوه وصلت البيت وانت ..؟
_ فى الطريق ..
_ اوكية..
_ اتمني مضيقتكيش ب اتصالي لكن واجب الصديق ع صديقته يطمن عليها
_ لا مفيش حاجه وميرسي ل اتصالك ..
_ انتي نازلة الصبح
_ ايوه ..
_ يبقي اشوفك الصبح انا عازمك ع عصير تمام ..
“ريم” ابتسمت”: تمام ..
رجع “لوهان” البيت وكان سعيد ومبتسم وبيتذكر الوقت اللى قضاه مع “ريم” فى الجبل ,,اتفاجئ لما دخل ب “يومي” :
_ اوبا .. انت جيت
اتجهت “يومي” بخطوات سريعه وحضنت “لوهان”: هنقع كده ..
__ وحشتني .. وحشتني جداااا
_ ايه اخبارك ..
_ مفيش حضرت فرح صديقي وعملت شوبنج ليا وليك طبعا
_ شكرااا .. انبسطتي فى الفرح ..
_ لا خالص ,, كنت عاوزه احضر الفرح معاك لكن انت فضلت الكامب عليا ,, كتير سألوني عليك قولتلهم مشغول فى الالبوم الجديد … قولي انبسطت فى الكامب …؟
ابتسم “لوهان” وتذكر “ريم” ولحظت “يومي” : اوبا .. مالك
_ لا مفيش .. تاكلي انا جعان جدااا
_ بجد ..انت مبتاكلش بليل
_ انهارده حاسس ان انا جعان جدا وعاوز اكل ..
_ اوكيه ناكل ..
تاني يوم نزلت “ريم” مع “مريم” لرياضه الصباحية ,, كانت “ريم” قاعده لوحدها تنتظر “مريم” وهى بتسمع الميوزك بالهاند فري ,, بدون ان تلاحظ ظهر امام عينيها علبه عصير ,, نظرت بجانبها وكان “لوهان” وعملت للميوزك ستوب :
ب ابتسامه : صباح الخير ..
ابتسمت “ريم” : صباح الخير ..
_ العصير ..
_ ميرسي ..
_ ممكن اعرف اتاخرتي ليه ..؟
_ اتاخرت .. هو انا كنت محدده ميعاد معاك
_ ايوه .. انتى كل يوم الساعه 7 بتكوني هنا ,, وانا من 6 ونص هنا وانتي جيتي 7 وربع
ضحكت”ريم”: ربع ساعه تاخير ..
_ ايوه ..
_ سوري
ضحك” لوهان”: مفيش مشاكل متتكررش ياريت واشربي العصير
مسكت العلبه وبتبص ع الكلام كانت كوري ,, مسك العلبه من ايديها وشاورلها ع كلمه “حلال”
_ متقلقيش انا عارف كويس ايه اللى ممكن وايه اللى مش ممكن ..
ريم: اوكيه ..ثانكس _ ميرسي ..
“لوهان” كان بيتخفي بالكاب والماسك ولحظت “ريم”:
_ هو انت ع طول متخفي كده ,,فى حاجه
_ لا ابدا دا تعود بس
_ اوكيييه ..
_ انتي بتزوري كوريا كتير ولا اول مره ..؟
_ بصراحة اول مره ,, انا هنا زيارة ل “رنا” اختي هى مقيمة هنا فتره علشان شغل زوجها … جيت من 15 يوم وماشية بعد 5 ايام ..
بملامح مفاجئه: بسرعه كده .؟
_ انا هنا 10 ايام والاجازه طوبلت مني حبيت اطمن ع “رنا” علشان حامل
_ وهتيجي تاني ..؟
_ ممكن مش عارفه ..
_ قوليلي خرجتي فين هنا ؟
_ اممم مش كتير “مريم” كنت بنزل معاها المطعم واوقات بنعمل شوبنج والكامب بس كده ,,
_ انتي كده مروحتيش فى مكان ..يعنى مروحتيش اماكن تشدك وتجذبك انك ترجعي تاني ليها ولا جربتي الاكل الكوري ..
ابتسمت “ريم”: لا محصليش الشرف بصراحه ,, الاجازه كانت صغيرة ومكنتش مرتبه ل اى حاجه ..
_ توعديني تيجي تاني ووقتها انا هعرفك ع كوريا واكلات كوريا اللى صعب تتنسي ومتقلقيش حلال ,,
_ هتكون المرشد السياحي الكوري الخاص
_ والياباني والصيني كمان
_ لا مسافرتش الصين ولا اليابان اول دول من شرق اسيا هى كوريا
_ يبقي لازم تعملي تاور فيها علشان لما حد يسألك تعرفي تساعدية وتنصحيه بالاماكن ..
_ اكيد ..
_ اتمني فترة اقامتك هنا كانت جميله ..
_ هى كانت جميله جدا لان “مريم” كانت معايا فى كل خطوه ,, لان معرفتي بالكوري زيرو والانجليش هنا مش الكل بيتعامل به للاسف ,, ف لولا “مريم” كنت تهت وضيعت ..
_ ودلواقتي فى “مريم” ولوهان”
ابتسمت”ريم” : طبعا ..
_ يلا نتمشي شويا ..
_ اوكيه ..
وهما ماشين لاحظوا بنات متجمعه عند صوره اعلان برفان وبيتصورو مع الاعلان ,,لفت نظر “ريم” :
_ ايه دا ..؟
“لوهان” بص ع اتجاه وكانت صولاته واتلجلج: دا ..دا .. اعلان برفان ..
_ وهما البنات عاملين كده ليه هو دا شخص مشهور ؟
“لوهان” اتفاجئ من كلام “ريم” وجديتها انها مش عارفه ولا عرفته : اها مغني من فرقه معروفه
_ اهااا الفانز … عند “مريم” فى المطعم فى كافر كبير لفرقه بنات كتير بيتصورو معاه مهووسين ,, عرفت من “مريم” ان فى فانز بيطاردو الفنان اللى بيحبوه ..
_ دا تعبير عن حب ,, بيحبوا شخص لانه فى اوقات حزنهم بيكون معاهم ب اعماله وكلامه التشجيعي لهم بيحمسهم بيهون عليهم وفى سعادتهم بيشاركهم فى لحظاتهم وهما كمان بيشاركو لحظات فى حياه الفنان ,,بيتعلقو به لدرجه انه لو عرفوا انه كداب او خائن بياخدوا موقف سلبي وعدائي اواقات لانه بيعتبره فرد من عيلتهم وهنا العيله معناها كبير ..
_ اها ما انا سمعت ان فى كتير من الفنانين حصلهم اكتئاب وحلتهم النفسية اتدهورت وفى كان سبب انتحار بسبب هجومهم ونقدهم اللذع وحياته بتدمر ..
_ من جهه محفز لنجاح والشهرة ومن جهه سبب السقوط .. قوليلي انتي متمنتيش فنان معين تتقربي منه ..
_ لا لان حياه الفنان صخب ودوشه ومحظرات قلق اغلب الوقت وانا مبحبش الحياه دى ,,انا بحب حياتي الهاديه بتجنب اى تجمع وضوضاء ..
_ اها ..
_ بس فى حاجه ملاحظاها ..
_ ايه ؟
_ البوستر الشخص دا شبهك …
بتوتر : لالالا خالص
ابتسمت “ريم”: مش هتفرق كتير كلكم هنا شبه بعض .
ضحك”لوهان”: ايوه فعلا .. يلا بينا ..
كملوا تمشيتهم و”لوهان” بيتكلم” و”ريم” بتضحك ع حكاياته ومواقفه
_ صحيح فى حاجة كنت عاوزة اسألك عليها ونسيت
_ ايه هى ..؟
_ ايه الحاجة اللى ليك عندي ومش عاوزها .؟
سكت لحظات: الحاجه هى ..
فى اللحظة دى قربت منهم “مريم” وشافت “لوهان”
_ ليو .. مكنتش اتخيل انى اشوفك قريب كده بعد الكامب ,, مفيش سفر ولا تس..
قاطعها “لوهان”: تسليم شغل .. لا ما انا اجازه الفتره دى من الشركة
“مريم” ب ملامح استغراب: اجازة وشركة..؟
موبيل “ريم” رن وبعدت ترد عليه :
_ “ريمو” “ريم” متعرفش انى مغني هنا ومعروف انا قلت شغال فى شركة موظف
_ موظف ..ليه ..؟
_ مش مهم ليه المهم متقوليش حاجه انا موظف فى شركة وهبقي افهمك بعدين تمام ..؟
_ اوكيه ..
رجعت “ريم” واستأذن “لوهان” وكانت “مريم” بتضحك:
_ بتضحكي ليه ..؟
_ مضحك اوى “ليو”,, لكن المهم واضح انكم كويسين مع بعض مكنتش اتوقع يعني انك تتعودي عليه بسرعه كده من الكامب ..
_ لا ما انا عارفاه من قبل كده هو اللى رجعلي السلسله ..
_ لا بجد .. لا احكيلي بالتفاصيل بقي ..فى يوم “ريم” كانت مع “مريم” فى المطعم قاعدين مع مجموعه من اصدقائهم وبيتكلموا ,,قرب منهم “لوهان” وكان متخفي واتفاجئت “ريم” بوجوده :
_ لوهان .. انت مش قولتلي انك مشغول
_ ايوه ماانا خلصت وفضيت ايه ارجع
ضحكت “ريم” : لا طبعا .. بس ليه متخفي كده كاب وماسك ..
_ لا ابدا تعود
_ انت كده فى الصيف كمان دا عذاب
“مريم” قعدت بجانبهم : لا مش مصدقة “ليو” بذات نفسه هنا وسط الجمع
_ فى ايه يا “ريمو” .. عندكم اكل ولا اروح اكل من برا ..
_ ضحكت “مريم”: لا فى .. بس تشيل الماسك والكاب
_”ريمو ”
_ “مريم” سبيه ع راحته عادي انه مبيحبش الاختلاط مع الناس ,,انا كده بحتاج وقت ل اتأقلم يعني انا دلواقتي زى اول مره لا طبعا اتغيرت ,, بطلي رخامه بقي ..
_ ايه دا كمان بقى لك محامي يا “ليو”
_ طبعا انا مش لوحدي خلاص
ضحكوا : ويلا اكليني واتاكدي ان السم يكون مظبوط
ضحكت “ريم” ع هزار “لوهان” و”مريم” وكملوا جلستهم كلام وضحك ,, رجعت “ريم” البيت دخلت غرفتها سمعت صوت رسالة ع الموبيل وكانت من “لوهان” :
_ اليوم كان جميل شكرا لكي يا صديقتي
ردت “ريم”:
_يا اهلا بك فى اى وقت يا صديقي
_ تصبحي ع خير
_تصبح ع خير ..
مريم جابت الاكل ولوهان اكل وقعد يهزر ويضحك هو وادمز ويتريقوا ع بعض وع مريم وريم حس بمتعه ف القعده ..رجعت البيت لاقت رساله من لوهان
“”الاكل كان جميل انا سعيد انى سمعت كلامك وجيت
وهتتكرر تانى يا صديقتى “”ريم ردت عليه ” يا اهلا بيك فى اى وقت يا صديقى “لوهان “تصبحى ع خير “ريم “وانت كمان “استمرت مكالمات “لوهان” ومقابلاته ل “ريم” فى مطعم “مريم” مع اصدقائهم ع فترات وكان دايما بيحاول يساعد “ريم” ع التأقلم ع اى شخص جديد وتتكلم اكتر من سكوتها وجوده غير كتير فى نفسيه “ريم” والكل لاحظ انها سعيدة ,, قبل رجوع “ريم” ل لندن اتجمعوا فى المطعم وقت دخول “لوهان” المطعم ,,”ريم” خرجت ترد ع الموبيل وكان “امير” ,, قعد “لوهان” مع “”مريم” و”ادمز”:
_ لا كده نعمل يا “ريمو” استوديو خاص ل “لوهان” هنا ..
_ اه فعلا يا ادمز اهو شغل وتسليه بدل المشوره رايح جي كده
ضحكوا الاتنين : خلصتوا ولا لسه ؟
_ لا خلاص كفايه عليك كده
نظر “لوهان” اتجاه “ريم” وهى بتتكلم فى الموبيل :
_ هتسافر بعد بكره .
_ ايوه للاسف هفتقدها جداااا ,,مش قادرهاخليها تقعد اكتر من كده محاولاتي فشلت لكن هى وعدتني انها هتيجي تاني اكيد ,, و”رنا” هنا يبقي اكيد هى هتيجي تاني ..
_ ايه رأيكم نخرج بكره طول اليوم معاه قبل ما تسافر ..؟
اتفاجئ”ادمز” و”مريم”:
_ طول اليوم ,, وهو انت فاضبي انت نفسك قولت مشغول فى تحضيرات الالبوم الجديد ..
_ بكره اجازه وانهارده طول الليل هخلص اللى كنت هعمله بكره طول النهار ..
_ “ليو” ..انت طبيعي مش مريض ..
_ فى ايه ؟
_ انت ولا مره فكرت تقضي يوم كامل معانا غير الكامب
اتوتر “لوهان” : لو مش عاوزين اوكيه انا قولت اقتراح يعني
_ احنا كنا بنفكر فى كده اساسا وقولت نقول لكام حد من اصدقائها تبقي مجموعه
_ دى كده رحله مش خروجه
ضحكوا وبنبره حماس: يبقي اتفقنا يوم كامل وسينما تمام ..انا هتحرك دلواقتي علشان اخلص الشغل اللى عندي وهكملكم الصبح ,, باى
اتفاجئ” ادمز ومريم” من تصرفات “لوهان” الغير متوقعه ,, رجعت “ريم” كان “لوهان” اختفي ,,,!
تاني يوم نزلت “ريم” و”مريم” وكان “ادمز” فى انتظارهم ,,اتقابلوا مع مجموعه اصدقاء و”لوهان” وقضوا اليوم ,, بص “لوهان” ع الساعه :
_ يلا هنتأخر ع الفيلم ..
_فيلم ..فيلم ايه ؟
“مريم” بحماس: السينما ,,فيلم جميل اوى موجود حجزنا التذاكر ويادوب نلحق ..
“ريم” اتفاجئت ووقعت علبه العصير : ها .. سينما ..؟
استغرب “لوهان” من رد فعل “ريم” : دا فيلم هيعجبك ضحك و ..
حاولت “ريم” تستجمع اعصابها ودورت ع سبب تهرب به :
_ لا انا مش هينفع اشوفه معاكم ,, انا هتفرج ازاى ع كوري مش هفهم ومش حابه اكل حمل ع حد يضيع استمتاعه علشان الترجمه لا
مريم بتضحك : متقلقيش دا فيلم اجنبى _لكن .. انا … انا هستناكوا فى الكافيه لوقت ما تخلصوا انا مبحبش السينما و
رد “لوهان” معترض: لا طبعا مينفعش نسيبك لوحدك يبقي مش هندخل كلنا
_ لكن ..
_ مفيش لكن كلنا مع بعض فى اى حاجه ..
شعرت “ريم” انها هتكون سبب فى فشل بروجرام اليوم والكل مبسوط ,, فحاولت تستجمع اعصابها وتهدي من خوفها : اوكيه .. اوكيه
وصلو السينما ودخلوا القاعة واتجهوا ل اماكنهم لكن “ريم” كانت مضطربه من الاضاءه الضعيف ,, قعدت وكان باين عليها التوتر والقلق ولاحظها “لوهان”:
_ فى حاجه يا “ريم” ؟
_ لا لا لا مفيش مفيش
_ تحبي اجبلك حاجه بدل العصير و..
_ لالالا مش عاوزه
لاحظ “لوهان” رعشه ايد “ريم” وهى ماسكة العصير وتنفسها السريع ,, وفجاءة النور انطفي سمعت اكتر تنفسها ,,حست “ريم” ب اختناق وجسمها ارتعش وقعت العصير وخرجت متجه للحمام ,, خلصت الاستراحه والفيلم هيبدء الجزء التاني واتاخرت “ريم “.. خرج “لوهان” يدور عليها وقف عند حمام السيدات وسأل بنت كانت خارجه عرف ان مفيش حد فى الداخل ,, اتجه يدور عليها بقلق ,, كانت “ريم” قاعده ع كرسي فى ركن وسانده راسها ع ايديها وبتحرك جسمها وكان باين عليها كانت بتبكي ,,قرب منها “لوهان” حط ايده ع كتفها اتخضت وبعدت ايده :
_ مالك ياريم فى حاجه ؟
_ لا لا مفيش ..
_ اتاخرتي ..
_ ها .. اسفه ..
_ يلا ندخل الكل مستني ..
_ لالالا انت ادخل انا مش هدخل هستناكو هنا ..
اتفاجي “لوهان”: هو الفيلم مش عاجبك ..
_ ها .. اه .. لا .. مش عاوزه
للحظات كان مستغرب ردود افعال “ريم” وملامحها المضطربه الخايفه :
_ هو فعلا فيلم ممل انا مش هكمله ,,انا هجيب بوب كورن اوكيه .
حركت راسها ورجع “لوهان” بالبوب كورن وبيراقب افعال “ريم” وسكوتها :
_ مش عاجبك ارجعه واشتري غيره ..؟
_ لا شكرا ..
_ ياريتني انا اللى اخترت الفيلم كان هيعجبك اكيد وهتكمليه للاخر .. بدل الفيلم الممل دا
اتنهدت “ريم”: انا مبحبش السينما ,, اى فيلم بتفرج عليه ع اللاب عندي
_ ليه دا السينما متعه و ..
_ انا عندي مشكلة مع الاماكن المظلمة ومنها السينما
_ علشان كده رفضتي فى الاول ..؟
_ ايوه ..
_ طيب ووافقتي ليه ..؟
_ محبتش ابوظ اليوم عليكم ..
لاحظ ملامح “ريم” الحزينه ونظر اتجاه الزجاج : بس الجو جميل جدااا ,, الجو دا محتاج تمشيه مش سينما وخنقه ,, كويس انك خرجتي وانا خرجت علشان نستمتع بالجو الجميل دا .. واصلا كل اللى جوه ممليين واختياراتهم ممله
ابتسمت “ريم” وابتسم لوهان : يااااه مينفعش دى تختفي
_ ايه هى ؟
_ ابتسامتك ..
يوم سفر “ريم” وصلتها “رنا” و”فريد” و”مريم” و”ادمز” وارسلها “لوهان” رساله انه سافر ويتمنلها رحلة سعيدة ,, رجعت البيت فى “لندن” وكان فى انتظارها “رامي” و”حنان” وعاصم” واول ما دخلت كانت بتدور ع داده “عواطف” حضنها “رامي” من فرحته برجوعها وطلع معاها غرفتها ,, وزعت “ريم” الهدايا ع كل الموجودين فى البيت وكانت سعيده ب اختياراتها ولاحظ الكل تحسن حالتها ,, من اصرار “رامي” نام معاها فى غرفتها وبعد كلام كتير بينهم استسلم للنوم ونام “رامي ” ,, انتبهت “ريم” للموبيل وكانت رسالة من “لوهان” :
_ اتمني الرحلة كانت مريحة ومستنيكي قريب يا صديقتي
ابتسمت “ريم” وردت : اشوفكم قريب
ابتسم “لوهان” ورد: مستنيكي ..
